درست تخصص تجميل وتصفيف شعر بمعهد أمازون… ومن وقتها حياتي تغيرت.
اكتشفت شغفي برسم الحنة، وبلّشت أشتغل بالصالونات وببيتي، والحمد لله الناس بتحب شغلي وبطلبوني بالاسم

كنت الأولى على التخصص، والحمد لله اليوم بشتغل سكرتيرة طبية ومساعدة دكتورة بعيادة أسنان. صراحة التجربة كانت فوق المتوقع! كل إشي بالدراسة كان مرتب ومحترف، من المواد العملية للمعلومات المهمة اللي فعلاً بنحتاجها بالشغل، وحتى الأدوات اللي اشتغلنا عليها كانت حديثة وبتجهزنا لسوق العمل. الجو العام بالمعهد حلو، والمدرسين بيعطوا من قلبهم، وكل شي كان بيرفكت عنجد ❤

انا تقى الكسار رفيقة دانة بالتدريب بجمعية الهلال الاحمر الفلسطيني بعد ما خلصت دراسة بالمعهد على طول انتقلت للتدريب بالهلال الاحمر الفلسطيني بالعديد من الاقسام المتنقلة من الاستقبال والارشيف والمحاسبة وتجهيز الملفات , شفت المادة يلي درستها بالمعهد بمكان العمل ولمستها وبذكر فيها المادة يلي اخدناها مع الاستاذ اشرف وراح اثبت جدارتي لتثبيتي بالعمل

تعلمت بدراستي بالمعهد اهم اشي استخدام السكينة لانو اغلب شغلي عليها بالمطعم يلي بشتغل فيه واصبحت اكثر اتقان واحتراف , وحبيت ازيد خبرتي وسجلت بدورة الحلويات الغربية , بالاضافة اني اتعلمت اعمل اطباق جديدة غير مألوفة باتقان وفن

درست حلويات غربية بمعهد أمازون، وكانت تجربة كتير حلوة
اتعلمت أشياء جديدة ما كنت بعرفها، وكمان أسرار وتقنيات خلت شغلي يطلع أرتب وألذ
كل إشي كان منظم، والتدريب عملي وبإشراف شيفات مبدعين.

استفدت من دراستي في المعهد من تطوير مهاراتي العلمية والعملية في التصاميم الديكور والتصميم الداخلي في وقت قصير

درست تخصص تجميل وتصفيف شعر بمعهد أمازون، وبصراحة كانت تجربة كتير حلوة! تعلمت كتير خصوصًا بمساق الأظافر،
وهسا بشتغل من البيت والحمد لله. اللي عجبني أكتر إشي إنو الأدوات اللي اشتغلنا فيها كانت ممتازة وحديثة، حسّي عنجد المعهد احترافي.
وكمان المس كانت قمة بالروعة، فاهمة شغلها وبتشرح بطريقة قريبة للقلب، وما بتقصر معنا ولا بلحظة.

تعلمت الحلاقة الرجالية في معهد أمازون، واللي ميّز تجربتي معهم إنو التدريب عملي من أول يوم، وهذا ساعدني أكتسب المهارة بسرعة وألاقي شغل بمحل قريب من بيتي
لكل حدا حابب يتعلم مهنة ويبلش طريقه نحو مصدر دخل ثابت، بنصحكم تبدأوا من معهد أمازون

درست التجميل وتصفيف الشعر بناءً على حبي للتخصص، والمعهد ساعدني في تنمية مهاراتي. التدريب العملي زاد من إبداعي من خلال التطبيق الفعلي، وحالياً أعمل في مشروعي الخاص في الاظافر واحلم في تطويره وعمل صالون خاص.

الدراسة في أمازون كانت فرصة كتير كبيرة إلي، ما تعلمت بس الأساسيات، كمان اشتغلت على معدات احترافية وتعلمت من مدربين كتير شاطرين. كل شيء كان عملي، حاليا عندي مشروعي الخاص و بصور اعراس و جلسات تصوير وواثقة انو اسمي رح يوصل العالمية.

اخترت معهد أمازون وكانت أفضل خطوة!
الدعم، التطبيق العملي، وجودة التعليم عطوني دفعة قوية أحقق حلمي.
اليوم بشتغل بدبي بمطعم عالمي بيقدم منيو شرقي وإيطالي، وكل هاد بفضل الأساس القوي اللي أخدته بالمعهد.
شكراً أمازون.. التعليم الصح بفتحلك أبواب العالم!

سجلت بالمعهد كان عمري 15 سنة استفدت كتير من الدراسة بالمعهد تخصص الحلاقة وحاليا انا مستلم شغل مع صاحب الصالون بترقوميا

حاليا انا بتدرب بجمعية الهلال الاحمر الفلسطيني بعد ما خلصت دراسة بالمعهد على طول انتقلت للتدريب بالهلال استفدت كتير بتواجدي بالهلال اشتغلت بالعديد من الاقسام المتنقلة من الاستقبال والارشيف والمحاسبة وغيرهم وبعمل جاهدة على اثبات جدارتي وتثبيتي بالعمل

‎كلمات لا توفيكم حقكم، لكنها تحمل كل امتناني
‎
‎مركز امازون للتدريب
‎
‎أردت أن أعبر لكم من أعماق قلبي عن مدى امتناني لما قدمتموه لي. لم يكن مجرد مكان للتعلم، بل كان نقطة تحول في حياتي. هنا اكتشفت أن العمر مجرد رقم، وأن الشغف والطموح هما ما يصنعان الفرق.
‎
‎بفضل الله ثم بفضلكم، تعلمت أشياء أحبها، وطورت من نفسي بطرق لم أتخيلها ممكنة. كل درس، كل نصيحة، كل لحظة قضيتها بين جدران هذا المركز، ساهمت في تشكيل شخصيتي ورؤيتي للمستقبل. أصبحت أكثر ثقة، أكثر إصرارًا، وأدرك الآن أن الحدود الوحيدة هي تلك التي نرسمها بأفكارنا.
‎
‎شكرًا لأنكم علمتموني أن الإنجاز لا يعرف عمرًا، وأن التعلم ليس له نهاية. لقد منحتموني أدوات لمستقبل أفضل، ولن أنسى أبدًا الفضل الكبير الذي قدمتموه لي.
‎
‎بكل الحب والتقدير،

أنا قمر الهريني، درست تخصص تجميل وتصفيف شعر بمعهد أمازون، وطلعت متقنة كل شي

انا طلعت من المعهد متقنة كلشي وبالاعتماد ع المعلمات الي كانو اكثر من رائعين وبدون ما احتاج اني اطلع لبرا اتدرب او امارس الي تدربته بالمعهد ف كلشي كان متوفرلي من تعليم نظري وعملي لتدريب واتقان وهسا شغلي ماشي الحمدلله وبشكل جميل وان شاء الله راح افتح صالوني الخاص بدون ما اشتغل عند حد ف الاتقان الي طلعت فيه من المعهد ماخلاني احتاج اروح اشتغل عند حد
طبعا انا اخترت اني افوت شي بحبه بعد ما خلصت الثانوية وما حسيت باني ضيعت وقت لما بديت المهني ع الاكاديمي
وما أثر ابدا برحلتي التعليمية بالعكس هسا بدرس بالجامعة وانا مبلشة شغلي الخاص المتواضع الي ماشي بشكل جميل الحمدلله